Дьону-сэргэни сөхтөрбүт, үгүс үөрүүнү-көтүүнү, дуоһуйууну бэлэхтээбит Култуура уонна ускуустуба кыһата айар үлэ туонатыгар төрүттэммитэ 85 сыллаах үбүлүөйүнэн Олоҥхо тыйаатырын уонна “Эрэл” үҥкүү ансаамбылын бар дьонун аатыттан итиитик-истиҥник эҕэрдэлиибит!
Норуот айар үлэтигэр таһаарыылаахтык үлэлээҥҥит үгүс көлүөнэ ыччаты норуот култууратын эйгэтигэр тардан, омукпут сайдарыгар кылааккытын киллэрэн, чиэстээхтик дьон-сэргэ махталын ыларгытыгар баҕарабыт.
Сырдык баҕа санааҕыт, сыралаах үлэҕит үтүө түмүктэриттэн тэҥҥэ үөрэбит, кэрэхсэллээх үлэҕитин сэргиибит, биһириибит! Эһиги чаҕылхай өйгүт-санааҕыт өссө күүстээхтик, уохтаахтык, төлөннөөхтүк эдэр ыччаты уһуйа турдун!

Олоҥхо тыйаатырын уонна
Эрэл” үҥкүү ансаамбылын бар дьоно
2022 сыл
Дьокуускай