⠀
⠀⠀Руслан Игоревич: «ХХ Манчаары оонньуулара Үөһээ Бүлүү улууһун аатын Саха сирин үрдүнэн аатырдыбыта. Онтон XV Олоҥхо ыһыаҕа Үөһээ Бүлүүнэн сирэйдээн Саха сирин бүтүн Арассыыйа үрдүнэн, аан дойду үрдүнэн аатырдыахтаах»- диэн улахан сыал-сорук туруорда!
⠀
⠀⠀Бу тэрээһиҥҥэ оскуола, оҕо уһуйаанын, култуура дьиэтин үлэһиттэрэ быыстапка тэрийдилэр. Быыстапкаҕа Олоҥхо ыһыаҕар туттуллуохтаах мал-сал, оҕолор дьэрэкээн оҥоһуктара, Василий Лукич уруһуйдара турдулар.
⠀
⠀⠀Уопсай сүбэ кэпсэтиигэ Василий Лукич буруолуу сылдьар «Хапсаҕай халбас харата» кинигэтин туһунан сырдатта, хоһоон-номохтон быһа тардан ааҕан иһитиннэрдэ, кэлбит ыалдьыттарга кинигэтин бэлэх уунна.
⠀
⠀⠀Ыаллыы сытар Сургуулук нэһилиэгиттэн култуура үлэһиттэрэ кэлэн нэһилиэктэригэр ыытыллар тэрээһиннэр, ситиһиилэр тустарынан уонна Олоҥхо ыһыаҕар бэлэмнэнии үлэтин сырдаттылар.
Ыраахтан кэлбит ыалдьыттары сахалыы мааны сандалы тардан, сарсыарда өттүгэр култуура, эбиэккэ оскуола асчыт кыргыттара итии миининэн, соркуойунан тото-хана аһатан атаардылар.
⠀
Боотулууттан Марта Архипова.