Киэҥ куйаар олоҥхоһута

Бүгүн кулун тутар 24 күнүгэр Г.Г.Колесов аатын сүгэр Мэҥэ Хаҥалас улууһун Олоҥхо дьиэтигэр Г.Г.Колесов 90 сылыгар аналлаах өрөспүүбүлүкэтээҕи «Киэҥ куйаар олоҥхоһута» эстафета хамсааһын саҕаланар үөрүүлээх түһүлгэтэ тэрилиннэ. Ыалдьыттары алгысчыт Григорий Спиридонов -Илгэлээх Испиридиэн алгыс түһэрэн көрүстэ. Сахабыт сирин 21 улууһуттан культуура управлениеларын салайааччылара, СӨ культура уонна духуобунай сайдыы министрин солбуйааччы Левочкин В.В., ӨНАДь салайааччыта Семенов С.С., СӨ Олоҥхо театрын салайааччыта Турантаева М.В., СӨ Олоҥхо Ассоциацията Пезидена Шишигина Ф.В., Аллараа Бэсттээхтэн, Бэдьимэттэн, Майаттан олоҥхоҕо үлэлиир, олоҥхоҕо сүгүрүйэр дьоммут кыттыыны ыллылар. Ыалдьыттары Мэҥэ Хаҥалас улууһун баһылыгын 1-кы солбуйааччыта Потапов С.С., баһылыгы социальнай эйгэҕэ солбуйааччы Свинобоев М.А., культура уонна духуобунай сайдыы салайааччыта Аргунов Д.И. Г.Г.Колесов эстафета тэрээһинэ бүтүн өрөспүүбүлүкэҕэ тарҕанан ыытыллар саҕалааһынынан эҕэрдэлээтилэр. СӨ ыытыллар « Киэҥ куйаар олоҥхоһута» тэрийээччилэрэ СӨ Олоҥхо театра, СӨ ОлоҥхотАссоциацията, Мэҥэ Хаҥалас улууһа. Олоҥхо театрын саоайааччыта Турантаева М.В., Олоҥхо Ассоциациятын Президена Шишигина Ф.В. Эстафета саҕалааһынынан истиҥник эҕэрдэлээтилэр, Г.Г.Колесов аата ааттанан тэрээһинэ өрөспүүбүлүкэбит улуустарынан киэҥник тарҕанарыгар баҕа санааларын, эрэллэрин эттилэр. Хас биирдии улуус культура управлениетын салайааччыларыгар эстафета саҕаланар бэлиэлэрин туттарылынна. Үтүө саҕалааһын, үтүө дьыала сахабыт сиригэр киэҥник тарҕанан, бэлиэтэнэн Гавриил Колесов саха норуотун тылынан чыпчаалын Олоҥхону уһун үйэлээн, тарҕаппыт үтүө үлэтэ өлбөт сүппэт үйэлэнэн уһун тыыннанан салҕана турарыгар улуустарынан эстафета айаннаата. Олоҥхо театрын салайааччытыгар Турантаева Мария Васильевнаҕа, Олоҥхо Ассоциациятын Президеныгар Шишигина Февронья Васильевнаҕа Мэҥэ Хаҥалас улууһун дьонун- сэргэтин аатыттан, Г.Г.Колесов аатынан Олоҥхо дьиэтин үлэһиттэрин аатыттан барҕа Махталбытын тириэрдэбит!