«ЧАП УУС» өрөспүүбүлүкэтээҕи тимир уустарын күрэҕэ Кэнтик нэһилиэгэр буолла

Үөһээ Бүлүүгэ ыытыллар Олоҥхо ыһыаҕар бэлэмнэнии чэрчитинэн «ЧАП УУС» өрөспүүбүлүкэтээҕи тимир уустарын күрэҕэ муус устар 5 күнүгэр Кэнтик нэһилиэгэр үрдүк таһымҥа буолан ааста. ⠀ Күрэххэ барыта 8 улуустан 63 уус кыттыыны ылла. Ол курдук Мэҥэ Хаҥалас, Хаҥалас, Кэбээйи, Нам, Сунтаар, Ньурба, Бүлүү, Үөһээ Бүлүү улуустарын уустара мустан, түһүлгэ тэрийдилэр. ⠀

Анньыы күрэҕэ туох да ааттаах, үчүгэй тэрээһиннээхтик буолан ааста. Ил Дархан Айсен Николаев биириһигэр 36 кыттааччы, биир тыынынан түһүнэн, кытаанах «зрелищнэй» көстүүнү бэлэхтээтилэр. Уопсайа үс ойбону аллардылар, бастакы ойбон уу тахсыар дылы, онтон иккитин шаблонунан аллардылар.

Бастыҥ анньыы күрэҕэр: 1 м. Ил Дархан Айсен Николаев бирииһигэр – 50 000 солк. хаһаайынынан Мэҥэ Хаҥалас улууһуттан Николай Дьячковскай буолла. 2 м. Кэнтик нэһилиэгин баһылыга Валерий Николаев бирииһин 30 000 солк. Сунтаар улууһуттан Арсентий Аргылов ылла. ⠀ Саха анньыытыгар Үөһээ Бүлүү улууһун баһылыга Владимир Поскачин бирииһигэр, саха анньыытыгар 24 анньыыһыт шаблонунан биир ойбону аллардылар. Кыайыылааҕынан биир дойдулаахпыт Далыр нэһилиэгиттэн 55-с саастаах Дмитрий Михалев буолла. ⠀ Оҕолорго бастыҥ уус – уран оҥоһук күрэҕэр. 1 м. Айсен Иванов — Үөһээ Бүлүү улууһа, Кэнтик с. 2 м. Валентин Николаев — Үөһээ Бүлүү улууһа, Хоро с. 3 м. Сахамин Иванов -Үөһээ Бүлүү улууһа, Кэнтик с.

Мария Ушницкая устуута, хаартыскаҕа түһэриитэ.