Кулун тутар 23 күнүгэр, олоҥхо ыһыаҕар бэлэмнэнии чэрчитинэн,Өймөкөөн нэһилиэгэр, Мария Турантаева салайааччылаах режиссерскай туруорар бөлөх көрөн- истэн, сэһэргэһэн, сүбэ-ама биэрэн, илэ-хоро кэпсэтэн барда.
Ол курдук, нэһилиэк аҕа баһылыгын уонна тэрилтэлэр салайааччыларын кытта атах тэпсэн олорон инники былаан барылын ырытыстылар.
Атыыһыт, меценат Н.О. Кривошапкин уһаайбатын көрдүлэр, кыраайы үөрэтээччи, Нуучча Географическай обществотын чилиэнэ, биллэр кыраайы үөрэтээччи Тамара Егоровна Васильеваны кытта көрсөн элбэҕи биллилэр,иһиттилэр, өссө да олонхо ыһыаҕар бэлэмнэниигэ бииргэ үлэлэһиэх буоллулар.
Н.О. Кривошапкин аатынан оскуолаҕа сылдьан, Пушкинскай карта туһунан, хайдах, туохха тутталларын сиһилии кэпсээтилэр.
Култуура дьиэтигэр хомуска төрүт оонньооһуҥҥа маастар кылаас ыыттылар.

Тымныы оройо Өймөкөөҥҥө сылдьыбыттарын туоһулуур сертификаты Чысхаан илиититтэн тутан, нэһилиэк уран тарбахтаахтарын быыстапкатын, нэһилиэк уус-уран самодеятельнай кэнсиэрин көрдүлэр.