«Муус устар» ыччат фестивала быйыл үһүс төгүлүн Дьокуускайга ыытылынна. Сылын аайы саҥа талааннар, араас хайысхаҕа хамсааһыннар тахсар площадкаларын быйылгы Өрөгөй СК-ҕа бырааһынньыктааҕы түһүлгэтин Олоҥхо тыйаатырын артыыһа Анастасия Алексеева арыйда. Аныгы технологияны туһаныллыбыт ситэри кэрэ көстүүгэ Олоҥхоһут Улуу Куйаары айара, мэҥэ халлаан сулустарын сэргэ дьөһөгөй оҕолорун сүүрүгүрдэ сүүрдэрэ, Тымныы оҕуһун кыайара, Орто дойдуга Аал Луук Маһы — олоҕу сириэдитэрэ — барыта саха модун өйүн-санаатын, үйэлээх өйдөбүллэрин сөхтөрө көрдөрөр дьүһүйүү буолла. Өрөгөй саалатыгар мустубут ыччат өрө күүрүүлээхтик таһымныыр үөрүүтүн биллэрдэ.
Үйэлэргэ үрдэтэ туруоҕа Олоҥхо урааҥхай саханы! Ноо!