Муус устар 8-9 күннэригэр ырыаҕа ылламмыт, хоһооҥҥо хоһуллубут Олонхо дойдутугар, Сунтаар ытык киһитэ С.А. Зверев–Кыыл Уолун үрдүк аатынан ааттаммыт Өрөспүүбүлүкэтээҕи «Тоҕус оһуордаах түһүлгэ» уус-уран айымньы күрэһэ буолан ааста. Күрэххэ 10 улуустан барыта 600-тэн тахха кыттааччы кыттан күрэс таһыма үрдүктүк ааста.

Биһиги театрбыт аатын көмүскээн кэллилэр Никандр Прокопьевич Тимофеев, Василина Баланова уонна Яна Нюргусова. Күрэх түмүгүнэн бары илии тутуурдаах, өттүк харалаар буолан биэрдилэр.
Ол курдук:
Василина Баланова “Саха ыллыыр ырыата” норуот ырыатын күрэһигэр “Кылыһахтаах куолас” анал аат хаһаайката, ону тэнэ «Олоонноон олорон олоҥхолуох” олоҥхоһуттар күрэстэригэр III үрдэл буолла.
Яна Нюргусова «Олоонноон олорон олоҥхолуох” олоҥхоһуттар күрэстэригэр I үрдэл буолла.
Никандр Тимофеев «Норуот тыыннаах тыла» уус-уран ааҕыы күрэһэр I үрдэл буолла.

Күрэх түмүгүнэн бастыҥ буолбут 9 кыттааччы Кылаан кыайыы иһин кииристилэр. Тоҕус түһүлгэ бастыҥнара буолан туран эргийэр холбука тахсыбытыгар хас биирдии киһи туос тууйаһы талан арыйа баттаабыттарыгар, “Кылаан кыайыылаах” биһиги ытыктыыр, сүгүрүйэр киһибитигэр Никандр Прокопьевичка тигистэ.

Маннык тэрээһин уус-уран айымньы инникилээҕин, кэскиллээҕин кердерер. Инникитин даҕаны талааннаах дьоммутун тарҕата, ыччаты угуйа туруохха!

Кыайыылаах-ситиһиилээх дьоммутугур ЭҔЭРДЭ!!!