Ытыктабыллаах Сахам сирин олохтоохторо!

Саха Өрөспүүбүлүкэтин Бырабыытылыстыбатын уонна тус бэйэм ааппыттан эһигини Олоҥхо күнүнэн итиитик-истиҥник эҕэрдэлиибин!

Олонхо – саха норуотун тылынан уус – уран айымньытын саамай урдук чыпчаала, уйэттэн уйэлэр тухары колуонэттэн колуонэ5э бэриллэн испит дирин ис хоьоонноох айымньыта буолар.

2005 сыл сэтинньи 25 күнэ биһиэхэ барыбытыгар дьоһун суолталаммыта – бу күн ЮНЕСКО Олоҥхону киһи аймах тылынан уонна өйүнэн айбыт култуурунай нэһилиэстибэтин үйэттэн үйэҕэ бэриллэр күндү баайа диэн аан дойду шедеврдэрин ахсааныгар киллэрбитэ. Бу улахан ситиһиибитин кэрэһилээн биһиги өрөспүүбүлүкэбитигэр Олоҥхо күнэ олохтоммута.

Бүгүн биһиги дьоммут-сэргэбит олоҥхо доллоһутар тойугун, бараммат баайын, сиэдэрэй тылын-өһүн кэрэхсииригэр ураты болҕомтобутун уурабыт. Олоҥхо тыйаатыра тэриллэн ситиһиилээхтик үлэлиир. Сылын ахсын олоҥхоһуттар уонна олоҥхону чинчийээччилэр биир түһүлгэҕэ түмсэн өрөспүүбүлүкэтээҕи Олоҥхо ыһыаҕын ыытабыт. Олоҥхону букатын кыра саастарыттан кэрэхсээн толорор кырачаан тойуксуттар баар буолбуттарыттан сүргэбит көтөҕүллэр, кинилэр кэккэлэрэ сылын ахсын кэҥээн иһэр.

Бу дьоро күн Олоҥхо биһиги олохпутугар ураты суолтатын бэлиэтиэхпин баҕарабын. Биһиги олоҥхобут былыргы дьыллар былдьаһыктаах мындааларыгар, урукку дьыллар охсуһуулаах уорҕаларыгар тыйыс дойдуну сылаас тыыннаабыт, саха омук эйэлээх суолу тэлэригэр, уйгулаах олоҕу уһанарыгар төһүү буолбут модун кыаҕын, өркөн өйүн, суолдьут сулуһун, духуобунай күүһүн туһунан дириҥ билиини биэрэр.

Төрөөбүт тылбытын, төрүт култуурабытын сайыннарыыга күүспүтүн холбуоххайыҥ уонна инникигэ эрэллээхтик хардыылыаххайыҥ! Чөл уонна ситиһиилээх буолуоххайыҥ! Олонхобут оссо да сайда, тар5ана, тэнийэ турдун!

Саха Өрөспүүбүлүкэтин Бырабыыталыстыбатын Бэрэссэдээтэлин солбуйааччы С.В Местников