Олоҥхо тыйаатырын салайааччыта Мария Турантаева уонна артыыс Дмитрий Хоютанов бүгүн «Студия ыалдьыта» диэн «Тэтим» радио аһаҕас биэриитигэр кытыннылар. Биэриини Иван Тарасов — Эрэл Эрэлик иилээн-саҕалаан ыытта.
Кэпсэтии сүрүннээн, Олоҥхо тыйаатырын инники былаанын тула буолла.
Дойду үрдүнэн Россия норуоттарын култууратын нэһилиэстибэтин сылыгар уонна Саха АССР төрүттэммитэ 100 сылыгар анаан саҥа тахсыахтаах испэктээктэр: Гаврил Менкяров туруоруутугар И.И. Бурнашев «Сылгы уола Дыырай бухатыыр», эдэр артыыс Настя Алексеева экспериментальнай үлэтэ, Н. И. Степанов-Ноорой 125 сылыгар «Күн Эрили», Үөһээ Бүлүүгэ 2022 ыытыллыахтаах Олоҥхо ыһыаҕар А.Т Титаров олоҥхотунан «Хардааччы Бэргэн» испэктээк туһунан сиһилии кэпсээтэ.
Биэрии иккис аҥаарыгар Мария Васильевна истээччилэр ыйытыыларыгар эппиэттээтэ.
Итиэннэ Дмитрий Хоютанов М.Т.Шараборин-Кумараап “Улуу Даарын” олоҥхотун быһан тардан толордо.