Ытыктабыллаах Мария Маркеловна уонна «Улуу Даарын» испэктээк бары кыттыылаахтара! Өлүөхүмэ биллэр олоҥхоһута М.Т. Шараборин-Кумаарап «Улуу Даарын» эпическэй айымньыта испэктээк буолан, сүрэхтэммит бэлиэ түгэнинэн улахан эҕэрдэбитин тиэрдэбит!
Улуу олоҥхобутун сонун көстүүлээн, эриэккэс киэптээн, ураты тыыннаан, ыччат дьону көҕүлүү, киэҥ араҥаҕа чыпчаал айымньыбыт өлбөт-сүппэт үйэлэниитигэр өссө күүскэ ылсыһан, үлэлэһэ сылдьаргытыгар баҕарабыт.
Киҥкиниир киэҥ халлаан курдук муҥурун булларбат эйгэлээх буолуҥ! Бар дьоҥҥутун добун тойуккутунан арчылыы, араҥаччылыы туруҥ!

Олоҥхо тыйаатырын бар дьоно.
Кулун тутар 4 күнэ.