⠀Ыһыах сүрүн режиссера Руслан Игоревич Олоҥхо ыһыаҕын ис хоһоонун билиһиннэрдэ. Ону тэҥэ култуура департаменын салайааччыта Сардана Сергеевна улууспутугар ыһыахха бэлэмнэнии үлэтин сырдатта.
⠀
⠀⠀Мунньах кэмигэр Олоҥхо ыһыаҕын өрөгөйүн ырыатын матыыбын айыытыгар биллэриллибит куонкуруска кыттыбыт олохтоох мелодиспыт Эдуард Гаврильевич Чоросов оҥорон, таҥан таһаарбыт ырыатын истэн дуоһуйдубут.
⠀
⠀⠀Кэпсэтии бириэмэтигэр Дүллүкү нэһилиэгин биллэр олоҥхоһута Никита Семенович Александров — Ынта Никиитэ туһунан сюжет уһулунна. Онно олоҥхоһуппут хаан-уруу аймаҕа Владимир Макарович Федоров Ынта Никиитэ туһунан тугу өйдүүрүн сиһилии кэпсээтэ.
⠀
⠀⠀Маннык түмсэн кэлэн, олохтоохторго Олоҥхо ыһыаҕын тыынын биллэрбиттэрэ олус кэрэхсэбиллээх!
⠀
⠀⠀Дүллүкүттэн Николай Седалищев