Үөһээ Бүлүү улууһугар Олоҥхо Ыһыаҕын тэрээһин боппуруостарынан Олоҥхо Ассоциация киэҥ ыҥырыылаах көһө сылдьар мунньаҕа тэрээһиннээхтик ыытылынна. Өрөспүүбүлүкэбит үбүлүөйдээх сылыгар ыытыллар улахан тэрээһиҥҥэ Үөһээ Бүлүү улууһун дьоно-сэргэтэ эппиэтинэһи ылынан, хас биирдии хайысхаҕа эппиэттээх дьон ананан, өрө көтөҕүллэн, түмсэн, киэҥ толкуйдаммыт үлэ ыытылла сылдьарын көрөн, истэн, өйдүүр-өйүүр, олоҥхоҕо сүгүрүйэн сыһыаннаһар дьоннордоохпутуттан астынныбыт. Этиллибит санаалары учуоттаан, салгыы былааннаах үлэни ыытарга сыал-сорук туруорунан тарҕастыбыт.