Сэтинньи 21 күнүттэн 82№-дээх «Мичээр» уһуйааҥҥа Олоҥхо нэдиэлэтэ саҕаланна, оҕо-аймах, бары үлэһиттэр дохсун ытыс тыаһынан, уруй-айхал аргыстаах Олоҥхо тыйаатырын көрүстэ. Олус бэртээхэй, сэргэх , киһи сүргэтин өрө көтөҕөр «Дьорҕостой Бэргэн» куукуланан испиктээкилин премьерата буолла. Режиссер Гаврил Мэҥкээрэп Николай Калинович Шамаев-Чопчухаан (Үөһээ Бүлүү) олоҥхотунан туруоруутун Дьокуускай куорат «Мичээр» уһуйааҥҥа 105 иитиллээччилэрэ көрдүлэр-иһиттилэр, сэҥээрдилэр, астыннылар. Кэрэхсэбиллээҕэ диэн бу олоҥхону Гаврил Мэҥкээрэп оҕо эрдэҕиттэн толорон, олоҥхо эйгэтигэр сиэтиллэн киирбит айымньыта буолар. Ону таһынан СӨ ыытыллар «Олоҥхо дойдутун оҕотобун» бэстибээлгэ элбэх ыччат-оҕо толорор айымньытынан киэҥник биллэр.

Уус-уран салайааччы Андрей Борисов,
Майя Власьева, Гаврил Мэҥкээрэп инсценировкалара,
Режиссер көмөлөһөөччүтэ:Венера Колесова
Туруорар бөлөх салайааччыта: Иннокентий Васильев

Оруоллары оонньоотулар:
Олоҥхоһут — Андрей Соловьев
Дьорҕостой Бэргэн — Дмитрий Захаров
Күөрэгэйчээн Куо — Күннэй Николаева
Түөнэ Моҕол Оҕонньор, Дьаллаҥса Хара Бухатыыр — Петр Иванов
Төлкөлөөн Хотун Ийэ, Арбаҥса Чачарай — Алена Пинигина
Алыпчаан Удаҕан, Симэхсин эмээхсин — Ольга Дорофеева

Испиктээкил тыыннаах дорҕоон доҕуһуолунан турда: Вероника Лыткина, Прокопий Сыроватскай национальнай инструменнарга оонньоотулар. Тойукка дьарыктаатылар Никандр Тимофеев, Дмитрий Иванов,
худуоһунньук Валерий Саввинов,
куукулалары, реквизиты оҥордулар норуот маастара Надежда Яковлева, Петр Бояркин,
Уот: Сахаян Петров,
Дорҕоону холбооһун: Айсен Кысылбаиков,
костюмер: Мария Татаринова,
реквизит: Люция Дьячковская,
сыана машинистара: Артем Осипов, Вадим Власов.
Барҕа махтал Олоҥхо
тыйаатырыгар, куруук айымньылаах үлэҕит таһаарыылаах буоллун, саҥа сүүрээннэри, саҥа хардыылары! Дом!!!