С.А.Новгородов аатынан «Айар» национальнай кыһаҕа «Саха фольклора» хомуурунньук (хомуйан оҥордо А.С.Тимофеева, киирии тылы суруйда Л.С Ефимова, худуоһунньук Р.К.Марков) таҕыста. Кинигэҕэ саха фольклорун сүмэтэ: үһүйээн, номох, остуоруйа, чабырҕах, өс хоһооно, таабырын киирдилэр. Хомуурунньукка олоҥхо аныгы форматынан киирдэ — олоҥхоһут Валентин Исаков толоруутугар «Эрбэхчэй Бэргэн» олоҥхо бастакы чааһын QR-кодунан киирэн истиэххэ сөп.