Бэҕэһээ Суорун Омоллоон аатынан Опера уонна балет театрыгар Олоҥхо Тыйаатыра 16-с театральнай сезонун Кытай биллиилээх драматура Тан Сяньцзу “Пионовая беседка” пьесатыгар олоҕурбут “Илэ туолбут иччилээх түүл” испэктээгинэн арыйбытын астына, дуоһуйа көрөн кэллибит
Испэктээк СӨ үтүөлээх артыыһа, А.Е.Кулаковскай аатынан бириэмийэ лауреата, тылбаасчыт Зоя Гаврильевна Попова 75 сааһыгар ананна. Сып-сырдык ис куттаах Далбар Хотуну, айар уобарастарын кэрэхсээн көрөр талааннаах артыыскабытын — Зоя Гаврильевнаны олоҥхо эйгэлээхтэр ааттарыттан олоҕуҥ дьоһуннаах кэрдиис кэминэн истиҥник эҕэрдэлиибит

Этэҥҥэ сылдьан, айар талааныҥ, олоҕуҥ аартыга өссө да уһун сылларга дойдуҥ тыынынан арчылана, алгыстана турдун
“Илэ туолбут иччилээх түүл” испэктээк олоҥхо киэбинэн туруоруута олус табыллыбыт. Артыыстар уобарастарын бары бэрткэ арыйдылар, таҥастара-саптара, сахалыы кылыһахтаах куолаһынан кэрэ ырыалара-тойуктара эчи үчүгэйин, киһи киэн тутта көрөр
Олоҕу тутан турар таптал сырдык иэйиитин олус бэрткэ арыйан көрдөрдүлэр – тулалыыр эйгэ кэрэ айылҕатыгар, төрөппүттэргэ, эдэр сүрэхтэр таптаһыылара… Таптыыр сүрэх итэҕэйэр, эрэнэр, итэҕэллээх киһи олоххо эрэллээх буолара бэрткэ дьүһүйэн көрдөрүлүннэ. Махтанабыт, киэн туттабыт
Олоҥхо Тыйаатырын коллективыгар, саҥа айар сезоҥҥутугар көрөөччүлэр сүрэхтэрин сырдыгынан толорор кэрэ уобарастары өссө да арыйа тураргытыгар, олоххутугар, үлэҕитигэр ситиһии кэлэ турарыгар баҕарабы