Эйигин Саха буолан сандаарбыт, киһи буолан килбэйбит, үтүө-мааны күҥҥүнэн, Олоҥхо театрын аатыттан, итиитик-истиҥник эҕэрдэлиибит!

Үрдүк Айыылар Эн Салгын куккун салайан, Ийэ куккун Буор куккар иҥэрэллэригэр анаан-минээн, көмүлүөк имик-самык уотугар оллоонноон олорор Улуу Олоҥхоһут саха дьоно барахсаттары хомуһун алыптаах тылларыгар олордон Үрдүккэ, Кэрэҕэ көтүтэр Олоҥхо толоруллар түүнүн талбыттар эбит!
Умнулла сыспыт Улуу Олоҥхобутун иккистээн тыыннаан, Итэҕэлгэ, Эрэлгэ, Тапталга суолу ыйдыҥ!
Инникитин да үйэлээҕи түстүү, кэскиллээҕи киллэрэ, олохтооҕу оҥоро сырыт, кэлэр-барар аартыгыҥ аһаҕас, айар-тутар эйгэҥ киэҥ, кутуҥ-сүрүҥ сахалыы буоллун!

Ытыктабыллаах Саха Саарына Андрей Саввич! Бүгүҥҥү бэлиэ күҥҥэр үгүс үөрүүлээх күнү, уһун уруйдаах олоҕу, сарпат саргылаах сааһы баҕарабыт!

Олоҥхо тыйаатырын Тойон түһүмэлэ