![](https://xn--80aa7aggbp2b.xn--p1ai/wp-content/uploads/2023/12/img_2551-1170x780.jpg)
Бүгүн, ахсынньы 14 күнүгэр, буойун-учуутал Степан Макаров аатынан Чурапчы гимназиятыгар “Олоҥхо педагогикатыгар сэдип технологията” өрөспүүбүлүкэтээҕи пуорум саҕаланна. Манна ыаллыы сытар Таатта, Мэҥэ Хаҥалас, Амма улуустарыттан итиэннэ Дьокуускай куораттан ааттаах-суоллаах ыалдьыттар кыттыыны ыла кэлиллэр.
![](http://xn--80aa7aggbp2b.xn--p1ai/wp-content/uploads/2023/12/img_2456-300x200.jpg)
![](http://xn--80aa7aggbp2b.xn--p1ai/wp-content/uploads/2023/12/img_2460-300x200.jpg)
![](http://xn--80aa7aggbp2b.xn--p1ai/wp-content/uploads/2023/12/img_2461-300x200.jpg)
![](http://xn--80aa7aggbp2b.xn--p1ai/wp-content/uploads/2023/12/img_2463-300x200.jpg)
![](http://xn--80aa7aggbp2b.xn--p1ai/wp-content/uploads/2023/12/img_2469-300x200.jpg)
![](http://xn--80aa7aggbp2b.xn--p1ai/wp-content/uploads/2023/12/img_2470-300x200.jpg)
![](http://xn--80aa7aggbp2b.xn--p1ai/wp-content/uploads/2023/12/img_2471-300x200.jpg)
![](http://xn--80aa7aggbp2b.xn--p1ai/wp-content/uploads/2023/12/img_2472-300x200.jpg)
![](http://xn--80aa7aggbp2b.xn--p1ai/wp-content/uploads/2023/12/img_2473-300x200.jpg)
![](http://xn--80aa7aggbp2b.xn--p1ai/wp-content/uploads/2023/12/img_2474-300x200.jpg)
“90-с сылларга национальнай конценция уонна олоҥхо шедевр буолбуттарыгар өрөспүүбүлүкэ үрдүнэн күүстээх үлэ ыытыллыбыта. Ити кэмнэргэ олус өрө көтөҕүллэн туран үлэлээбиппит, онно олоҥхо педагогикатыгар ким-хайдах кыахтааҕынан үлэлээн-хамсаан улахан хамсааһын буолбута. Онтон кэлин хайдах эрэ олоруу кэмэ саҕаламмыта ити кэмҥэ симэлийэ соҕус быһыытыйбыппыт. Ити кэнниттэн эппиккэ диэри иккис тыыны ыламмыт “Олоҥхо педагогиката сэдип технологията” диэн ол аата бу биһиги үтүө үгэстэрбитигэр уруккуну умнубакка, саҥа үйэҕэ саҥа, аныгы ньымаларга киллэрэн оҕолорбутун үөрэтиэхтээхпит, иитиэхтээхпит. Бүгүн биһиэхэ СӨ олоҥхо уопсастыбаннай түмсүүтүн вице-президенэ Елена Николаевна Протодьяконова салайааччылаах олоҥхоҕо үлэлиир ытык-мааны дьоннорбут кэллилэр. Күн бастакы аҥарыгар пленарнай чаас ыытыллыаҕа онтон эбиэттэн киэһэ алта түһүлгэнэн 30-ча маастар-кылааһы көрүөхпүт. Сэдип уонна айти-технология диэн куонкурус ыытыллыбыта, манна барыта холбоон 27 үлэ киирбитэ. Биһиги үөрүүбүтүгэр үксэ уһуйааннар күүскэ үлэлииллэр эбит онтон оскуолаттан сэттэ үлэни аҕалбыттара. Улахан үлэ түмүгэ тахсыбыта ону пуорум түмүктэнэр чааһыгар кыайыылаахтар ааттарын иһитиннэриэхпит”, — диэн СӨ үтүөлээх учуутала Фекла Болдовская кэпсээтэ.
![](http://xn--80aa7aggbp2b.xn--p1ai/wp-content/uploads/2023/12/img_2483-300x200.jpg)
![](http://xn--80aa7aggbp2b.xn--p1ai/wp-content/uploads/2023/12/img_2485-300x200.jpg)
![](http://xn--80aa7aggbp2b.xn--p1ai/wp-content/uploads/2023/12/img_2487-300x200.jpg)
![](http://xn--80aa7aggbp2b.xn--p1ai/wp-content/uploads/2023/12/img_2491-300x200.jpg)
![](http://xn--80aa7aggbp2b.xn--p1ai/wp-content/uploads/2023/12/img_2493-300x200.jpg)
![](http://xn--80aa7aggbp2b.xn--p1ai/wp-content/uploads/2023/12/img_2497-300x200.jpg)
![](http://xn--80aa7aggbp2b.xn--p1ai/wp-content/uploads/2023/12/img_2501-300x200.jpg)
![](http://xn--80aa7aggbp2b.xn--p1ai/wp-content/uploads/2023/12/img_2508-300x200.jpg)
![](http://xn--80aa7aggbp2b.xn--p1ai/wp-content/uploads/2023/12/img_2510-300x200.jpg)
![](http://xn--80aa7aggbp2b.xn--p1ai/wp-content/uploads/2023/12/img_2512-300x200.jpg)
![](http://xn--80aa7aggbp2b.xn--p1ai/wp-content/uploads/2023/12/img_2527-300x200.jpg)
![](http://xn--80aa7aggbp2b.xn--p1ai/wp-content/uploads/2023/12/img_2541-300x200.jpg)
![](http://xn--80aa7aggbp2b.xn--p1ai/wp-content/uploads/2023/12/img_2542-300x200.jpg)
![](http://xn--80aa7aggbp2b.xn--p1ai/wp-content/uploads/2023/12/img_2543-300x200.jpg)
![](http://xn--80aa7aggbp2b.xn--p1ai/wp-content/uploads/2023/12/img_2546-300x200.jpg)
![](http://xn--80aa7aggbp2b.xn--p1ai/wp-content/uploads/2023/12/img_2547-300x200.jpg)
![](http://xn--80aa7aggbp2b.xn--p1ai/wp-content/uploads/2023/12/img_2562-300x200.jpg)
Бүгүҥҥү дьаһалга быһа холоон 100-кэ ыалдьыт кыттыыны ыла кэллэ. Гимназия кэлэктиибэ олус кыһаллан, сонун көстүүлээх арыллыыны тэрийдэ, манна илиинэн оҥоһуктар быыстапкалара, олоҥхо тиэмэтигэр үөрэнээччилэр уруһуйдара ыйанна, фолькло бөлөҕүн иитиллээччилэрэ тойуктаан, хомуска оонньоон, олоҥхолоон иһитиннэрдилэр, ону таһынан гимназия иһинэн үлэлиир ВИА тыыннаах доҕуһуола, нэһилиэкпит биир киэҥ туттар элбэх оҕолоох Екечьямовтар дьиэ кэргэн мууска араас инструменнарыгар оонньоон көрдөрүлэр. Үөрүүлээх дьаһалга Чурапчы улууһун баһылыгын социальнай боппуруостарга солбуйааччы Мария Кронникова кыттыыны ылла.
![](http://xn--80aa7aggbp2b.xn--p1ai/wp-content/uploads/2023/12/img_2564-300x200.jpg)
![](http://xn--80aa7aggbp2b.xn--p1ai/wp-content/uploads/2023/12/img_2570-300x200.jpg)
![](http://xn--80aa7aggbp2b.xn--p1ai/wp-content/uploads/2023/12/img_2580-300x200.jpg)
![](http://xn--80aa7aggbp2b.xn--p1ai/wp-content/uploads/2023/12/img_2582-300x200.jpg)
![](http://xn--80aa7aggbp2b.xn--p1ai/wp-content/uploads/2023/12/img_2585-300x200.jpg)
![](http://xn--80aa7aggbp2b.xn--p1ai/wp-content/uploads/2023/12/img_2586-300x200.jpg)
![](http://xn--80aa7aggbp2b.xn--p1ai/wp-content/uploads/2023/12/img_2588-300x200.jpg)
![](http://xn--80aa7aggbp2b.xn--p1ai/wp-content/uploads/2023/12/img_2590-300x200.jpg)
![](http://xn--80aa7aggbp2b.xn--p1ai/wp-content/uploads/2023/12/img_2594-300x200.jpg)
![](http://xn--80aa7aggbp2b.xn--p1ai/wp-content/uploads/2023/12/img_2479-300x200.jpg)
Елена Протодьяконова, научнай-методическай уонна тас үлэҕэ Олоҥхо киинин сүрүннүүр исписэлииһэ, СӨ олоҥхо ассоциациятын вице-президенэ: “Чурапчы ытык түөлбэтэ өрөспүүбүлүкэҕэ олоҥхо саҥа тыына баар буолуутугар, эйгэни тэрийиигэ биһиги үлэбитигэр-хамнаспытыгар саамай тирэх буолар оройуоммутунан буолар. Бу түөлбэҕэ айылҕаттан айдарыылаах, ааттара-суоллара киэҥник биллибит, истиҥ эйгэҕэ иитиигэ сүрдээх улахан оруоллаах 200-тэн тахса олоҥхоһут төрөөн-үөскээн, ыллаан-туойан ааспыттара. Кинилэр утумнара билигин салҕанан барар, бүгүн манна бастыҥ олоҥхону толорооччулар, олоҥхоҕо уһуйааччылар уонна олоҥхо педагогикатынан оҕону иитиигэ-үөрэтиигэ үлэлиир элбэх күөн туттар дьоннордоохпут. Чурапчы түөлбэтэ биир саамай үлэни ыытар уонна үлэбитигэр тирэх буолар улууспут. Онтон бүгүн гимназияҕа сүрдээх улахан суолталаах тэрээһин буолан эрэр. Иитиибит, үөрэтиибит төрдө, төбөтө барыта бу төрөөбүт түөлбэҕэ, дьиэ кэргэҥҥэ сытар. Чурапчы гимназията олоҥхоҕо күүскэ үлэлиир тэрилтэнэн биллэр, ону таһынан бэйэтин тула нэһилиэктэринэн уопуттарын тарҕатан үлэлэһэллэр. Олоҥхо педагогикатынан оҕону киһилии киһини сиэр-майгы өттүнэн иитэн таһаарыыга бу сэдип технологиятын туһуланар. Онон кэскиллээх үлэ тахсыа диэн саныыбын”.
Сэмэн Жендринскэй. Ааптар хаарытскаҕа түһэриитэ