Амма улууһугар култуура миниистирэ Афанасий Ноев салайааччылаах бөлөх үлэлиир.

Бэбиэскэҕэ 2024 сылга Олоҥхо ыһыаҕар бэлэмнэнии үлэтин ыытыы сүрүн боппуруоһунан турар.

«Аһылыкка уонна доруобуйаҕа куттал суох буолуутугар сүрүн болҕомтоҕо ууруллуохтаах»,- диэн Афанасий Иванович тоһоҕолоон бэлиэтээтэ.

Олоҥхо ыһыаҕа үрдүк таһымҥа ыытылларыгар Амма улууһун хас биирдии олохтооҕо кылаатын киллэриэ. Ону ситиһэр инниттэн «Сардаана» анал фонда арылынна. Манна амарах санаалаах дьоммут киллэрбит үптэрэ түмүллэн улахан тэрээһини «Аммалар дуо?» дэттэрэр гына тэрийиэхтээхпит.

Аммаҕа ыытыллар Олоҥхо ыһыаҕар 30 000 кэриҥэ киһи кыттыыны ылара сабаҕаланар.