Клара Илларионовна олох-дьаһах сулууспатын туйгуна, норуот маастара. Таатта улууһун, Тааттыныскай нэһилиэк сайдыыларыгар кылаатын иһин анал бэлиэлэринэн наҕараадаламмыта.
Олоҥхону толорооччу быһыытынан Клара Читаева олоҥхоһут, тойуксут Данил Максимов-Дайыла төрөөбүтэ 65 сылыгар «Дайыла алгыстаах аартыга» күрэххэ (Уус Таатта), «Нохтоолоох сүрэхтэн долгуйан: «НОО!» -дэтэн чоргуйан» күөн күрэскэ (Кытаанах) иккис миэстэ, Ойуунускай төрөөбүтэ 130 сылыгар «Дьулуруйар Ньургун Боотур» олоҥхо дьоруойдарын биирдиилээн толорууга Кылаан чыпчаал (Чөркөөх) буолуталаабыта, өрөспүүбүлүкэтээҕи «Уруйдан, Улуу олоҥхобут!» куонкуруска кыттыбыта.