Бүгүн тохсунньу 24 күнүгэр Аллараа Бэстээх Гавриил Колесов аатынан Олоҥхо Дьиэтигэр «ФОЛЬКЛОРИСТ УҺУЙААНА» семинар-маастар кылаас киэҥ далааһыннаахтык ыытылынна. Уһуйааҥҥа үөрэтии саха сиэринэн, өбүгэ үгэһинэн алгыс сиэриттэн-туомуттан саҕаланна, Дьокуускай куораттан, Амматтан, Чурапчыттан уонна Мэҥэ Хаҥалас улууһун нэһилиэктэриттэн саха сиэригэр-туомугар, төрүт үгэһигэр саҥаны билиэн көрүөн баҕалаах дьон тоҕуоруһан кэллилэр.
- «Фольклорист уһуйаанын үлэтин хайысхалара» диэн Республикатааҕы норуот айымньытын дьиэтин фольклорга сүрүннүүр специалиһа Александра Васильевна Васильева иһитиннэрии оҥордо.
- СӨ үтүөлээх артыыһа, РФ култууратын үтүөлээх үлэһитэ, А.Е. Кулаковскай аатынан Судаарыстыбаннай бириэмийэ лауреата, Дьокуускай куорат бочуоттаах олохтооҕо саха сиэрин-туомун тарҕатааччы, алгысчыт, бөлүһүөк, лектор Афанасий Семенович Федоров саха төрүт сиэрин-туомун сырдатта, дьон үгүс ыйытыытыгар хоруйдаата.
3.Историческай наука кандидата, гуманитарнай чинчийи уонна аҕыйах ахсааннаах хотугу норуоттар проблемаларын институтун аҕа научнай үлэһитэ Валерий Егорович Васильев «Саха төрүт итэҕэлэ» тиэмэҕэ иһитиннэрии оҥордо.
4.Өр сылларга Дьааҥы улууһугар культура эйгэтигэр үлэлээбит салайааччы, музыкант, поэт, алгысчыт, режиссер, учуутал Стручков Виктор Павлович-Дуулаҕа Дьуһаал күннээҕи олоххо ыйынньык буолар «Күн дьыл ыйынньыга» авторскай халандаарын сырдатта, дьон сэҥээриитин ылла.
Күнүскү омурҕан кэннэ «Оһуохайга практическай семинар, маастар-кылааһы Аан дойду култууратын маастара, аан дойду виртуоз хомусчута, Саха Республикатын үтүөлээх артыыһа, М.Н.Жирков аатынан Дьокуускайдааҕы музыкальнай колледж (училище) төрүт култуура толорор ньымаларыгар уһуйуу салаатын уһуйааччыта Варвара Александровна Степанова-Арчыына иилээн саҕалаан ыытта, кэлбит дьон бука бары түөлбэ оһуохайдарын таһаарыытын, хананыытын үөрэттилэр.
Салҕыы ыйыллыбыт сигэнэн киирэн сиһилии билсиҥ, хаартыскалары, уһулуулары көрүҥ, уһуйааҥҥа сылдьыбыт дьон санаатын истиҥ:
https://t.me/olonkho1/455
Гавриил Колесов аатынан Олоҥхо Дьиэтин телеграм ханаалыгар сурутун