Кэнники кэмҥэ  саамай кэтэһиилээх ыһыаҕынан Олоҥхо ыһыаҕа буолла. Ыытыллар сиригэр тутуу бөҕө барара да тэрийэр улууска туһалаах, олохтоохтор сэргэхсийэллэрэ да абыраллаах. Бирииһэ ботуччу суумалааҕа да көдьүүстээх: сыл аайы олоҥхону толорор киһи ахсаана эбиллэ турар. Чуолаан ыччат өттө сэргиирэ кэрэхсэбиллээх.

Дьэ, онон Олоҥхо ыһыаҕын ыһар чиэс-бочуот тэҥэ. Маныаха анал хамыыһыйа быһаарыытынан, кэлэр сылларга ханнык улуустарга ыытыллара номнуо быһаарылынна.  

2026 с. – Кэбээйи;

2027 с. – Ленскэй;

2028 с. – Томпо;

2029 с. – Орто Халыма;

2030 с. — Таатта.

Былырыын Өймөкөөҥҥө буолбута, быйыл Аммаҕа ыытыллар, эһиил Нерюнгрига көрсүөхпүт!