Кэнтик нэһилиэгин бочуоттаах олохтооҕо, «Гражданскай килбиэн» бэлиэ хаһаайына, Үөһээ Бүлүү улууһун бочуоттаах олохтооҕо, саха рок хамсааһынын аҕата, саха ВИА бөлөхтөр сайдыыларыгар сүҥкэн кылааты киллэрбит Тумусов Михаил Сысоевич-Тумус Мэхээлэ уһун ыарахан ыарыыттан бу дьыл олунньу 26 күнүгэр биһиги кэккэбититтэн туораата…
Түөргүһүт, ырыа суруйааччы, үөһэттэн этитиилээх киһибит саха норуотугар «Чороон», «Чолбон», «Айтал», «Дапсы» рок бөлөхтөр олохтонууларыгар улахан суолу хаалларбыт, аныгы ырыаҕа, доҕуһуолга хатыламмат сахалыы тыыны укпут ураты дьоҕурдаах киһибит биһиги кэккэбититтэн суох буолбута саха норуотугар улахан сүтүк буолар.
Аар саарга аатырбыт Чап уустарын ДЬЫЛҔА, КИҺИ, ОЛОХ туһунан мэҥэ өйдөбүллэрин, ытык ыйыыларын илдьэ сылдьыбыт Тумус Мэхээлэ айдарыылаах айымньылара, ымыылаах ырыалара  саха куттаах баарын тухары ыллана туруохтара, аатын ааттатыахтара…
Быдан дьылларга быраһаай, Тумус Мэхээлэ.

Степанида, Андрей Борисовтар уонна Олоҥхо театрын бар дьоно