Саха Өрөспүүбүлүкэтин култууратын үтүөлээх үлэһитэ, Бүлүү улууһун уонна Чочу нэһилиэгин Бочуоттаах олохтооҕо, алгысчыт, Ийэ олоҥхоһут, тойуксут, үҥкүү тылын этээччи, норуот ырыаһыта, хомусчут, уһуйааччы, Чочутааҕы норуот тыйаатырын режиссера Семен Иннокентьевич Иванов – Чочу Сэмэнэ төрөөбүтэ 90 сылыгар анаан ”Сүдү киһиэхэ сүгүрүйэбит” норуот тыйаатырдарын икки ардыларыгар олоҥхону туруорууга Өрөспүүбүлүкэтээҕи күөн-күрэс муус устар 13 күнүгэр буолан ааста.
Күрэххэ 7 улуустан куйаар ситиминэн кыттыыны ыллылар. Үөһээ Бүлүүтээҕи Олоҥхо норуот тыйаатыра, К.Н. Никифоров “Айдааннаах айаннаах Ала Буурай аттаах Мохсоҕоллой Боотур” олоҥхо, режиссер СӨ култууратын туйгуна Владислав Иванов. Ньурба оройуонун
култууратын департамена – Олоҥхо Дьиэтэ. Спиридон Васильевич Петров-Чыычаах 130 сылыгар анаммыт «Оҕо Дьулаах бухатыыр» олоҥхо, туруорааччы режиссердар СӨ ускуустубатын үтүөлээх диэйэтэлэ Александр Титигиров , СӨ култууратын туйгуна Розалия Тартакынова, бырайыак ааптара СӨ култууратын үтүөлээх үлэһитэ Розалия Тихонова. Абаҕатааҕы норуот тыйаатыра, Амма улууһа. Үстүүн Нохсоороп “Сыанаканан сыһыылаах, холуопканан хонуулаах, сындыыс хара аттаах сылгы сүөһү оҕото Дыырай Бэргэн” олоҥхо,
режиссер СӨ култууратын туйгуна Евгения Попова. Ылдьаа Нохуоккун аатынан “Чараҥ” сынньалаҥ киинин “Манчаары” тыйаатыр устуудьуйата, Уус -Алдан улууһа, Чараҥ бөһүөлэгэ. Галина Борисова-Толбооно “Уһун Уйбаан олоҥхоһут” олоҥхотунан “Ураанньык аттаах Тайыыла олоҥхоһут” испэктээк, режиссер Екатерина Свинобоева. Хатастааҕы норуот тыйаатыра С.А.Зверев-Кыыл Уола“ Кулан кугас аттаах Куллустай Бэргэн” олоҥхо,
режиссер СӨ култууратын туйгуна Евдокия Семенова. “Бэрт бэтиэхэлэр”тыйаатыр түмсүүтэ “Алгыс” СК, Мээндиги нэһилиэгэ Амма улууһа. Семенов Илья Владимирович “Бордуолаах Кинээс” олоҥхо, режиссер Василий Капырин. С.Иванов – Чочу Сэмэнин аатынан Чочутааҕы норуот тыйаатыра Бүлүү улууһа. С.Иванов – Чочу Сэмэнэ “ Куула хара тыаны кутуругунан булкуйа оонньуур Кулан Кугас аттаах, кылааннаах-өргөстөөх Киис Бэргэн бухатыыр ”, режиссер Ньургуйаана Дмитриева.
Дьүүллүүр сүбэҕэ үлэлээтилэр: Арассыыйа театральнай диэйэтэллэрин Сойууһун чилиэнэ, Саха Өрөспүүбүлүкэтин култууратын үтүөлээх үлэһитэ Адамова Саргылана Саввична. Саха Өрөспүүбүлүкэтин култууратын туйгуна Александр Саввинов Баһылай Уола-Алгыстаах Өлөксөөн. Олоҥхо тыйаатырын, киинэ артыыһа, режиссера, Саха Өрөспүүбүлүкэтин култууратын туйгуна Менкяров Гаврил Семенович.
“Уран тыл түсчүтэ, тойуктаах туйгуна” Чочутааҕы И.М.Гоголев-Кындыл аатынан түмэл Иванов Семен Иннокентьевичка аналлаах быыстапка турда.
Бүлүүтээҕи В.О.Каратаев аатынан олоҥхоһуттар уонна тойуксуттар норуодунай коллективтара И.М.Гоголев-Кындыл аатынан норуодунай тыйаатыры кытары холбоон С.Иванов-Чочу Сэмэнэ “Куула хара тыаны кутуругунан булкуйа оонньуур Кулан Кугас аттаах, кылааннаах-өргөстөөх Киис Бэргэн бухатыыр” Семен Иванов – Чочу Сэмэнин олоҥхотун туруоран көрдөрдүлэр.
Олоҥхо режиссера Алексей Быканов, салайааччы СӨ култууратын туйгуна Иванова Светлана Тарасовна, муусукатын таҥан оҥордо СӨ култууратын үтүөлээх үлэһитэ Иван Туласынов, худуоһунньук Иван Васильев. Кыттыыны ыллылар В.О.Каратаев аатынан олоҥхоһуттар уонна тойуксуттар норуодунай кэллэктиибэ, “Бүлүү Долгуннара” үҥкүү норуодунай кэллэктиибэ, “Үрүччэ” оҕо үҥкүү-ырыа ансаамбыла, Хампатааҕы оҕо театр искусствотын оскуолатын оҕолоро.
Бүлүүтээҕи И.М.Гоголев-Кындыл аатынан норуодунай тыйаатыр сүрүн артыыһа, В.О.Каратаев аатынан олоҥхоһуттар уонна тойуксуттар норуодунай кэллэктиибин олоҥхону толорооччута, алгысчыт, оһуокайдьыт, СӨ култууратын туйгуна, үлэ сыана бэтэрээнэ Мэнкэр Сэмэн -Хабырыыл Уола 65 сааһынан, алгысчыт, олоҥхо толорооччу, норуот эмчитэ Мылахова Агафья Федотовна 60 өрөгөйдөөх үбүлүөйдэринэн Өрүспүүбүлүкэтээҕи норуот айымньытын Дьиэтин. “Олоҥхо Ассоциацията” Өрөспүүбүлүкэтээҕи уопсастыбаннай тэрилтэтин, СӨ геокультурнай сайдыы институтун. Саха Өрөспүүбүлүкэтин Олоҥхо тыйаатырын эҕэрдэ суруктарын, бочуоттаах грамоталарын туттулар.
Бастакы Өрөспүүбүлүкэтээҕи С.И.Иванов-Чочу Сэмэнин күөн-күрэһин кыайыылаахтарынан ааттаннылар: Анал ааттар: “Эр киһи оруолун бастыҥ толорооччу” – Тимир Дибдиргэ – Петр Белолюбский Ньурба (“ Электропечь” бирииһи туруорда Н.И.Ылахова аатынан “Алгыс”НКК дириэктэрэ Спиридонова А.П.)
“Дьахтар оруолун бастыҥ толорооччу” – Удаҕан –Марианна Хобусарова Үөһээ Бүлүү. (“Саха иһитэ” бирииһи туруорда Сбербанк АО Бүлүүтээҕи филиала салайааччы Спиридонова М.П).
“Муусуканан бастыҥ киэргэтии” – Иван Туласынов Бүлүү (Кинигэ бирииһи оҥордо СӨ геокультурнай сайдыы института).
“Бастыҥ сценография” – Абаҕатааҕы норуот тыйаатыра Амма улууһа, Абаҕатааҕы норуот тыйаатыра Амма улууһа. (Кинигэ бирииһи оҥордо С Ө геокультурнай сайдыы института). “Бастыҥ режиссер” – Александр Титигиров , Розалия Тартакынова Ньурба (“Туристическай палатка” бирииһи туруорда “Рикавтодор” Протопопов П.В салайааччы солбуйааччыта Евсеев И.И.). “Бастыҥ оруол” – Олоҥхоһут уол- Уус Алдан Ылдьаа Нохуоккун аатынан “Чараҥ” сынньалаҥ киинин “Манчаары” тыйаатыр устуудьуйата. (“Термос” бирииһи туруорда СХ Депортамена салайааччы Иннокентьев П.П). “Бастыҥ оруол” – Сиэн уол – Коля Ефимов Бүлүү. (Кинигэ бирииһи оҥордо С Ө геокультурнай сайдыы института). “Бастыҥ көстүүмнээх испэхтээх” “Бэрт бэтиэхэлэр” тыйаатыр түмсүүтэ “Алгыс” СК Мээндиги нэһилиэгэ Амма улууһа (Кинигэ бирииһи оҥордо С Ө геокультурнай сайдыы института). “Үйэлэри ситимнээн” – С.И.Иванов-Чочу Сэмэнин олоҕун үйэтитиигэ анал аат иҥэрилиннэ Н.И.Ылахова аатынан “Алгыс”НКК специалиһыгар Менкяров Леонид Гаврильевичка.
3 Үрдэл- 10000 солк. Бүлүүтээҕи норуот тыйаатыра, В.О.Каратаев аатынан олоҥхоһуттар уонна тойуксуттар норуодунай кэлэктииптэрэ Бүлүү улууһа. С.Иванов – Чочу Сэмэнэ “ Куула хара тыаны кутуругунан булкуйа оонньуур Кулан Кугас аттаах, кылааннаах-өргөстөөх Киис Бэргэн бухатыыр ”, режиссер Алексей Быканов.
(Бирииһи туруордулар 5000 АО “Сахатранснефтегаз” салайааччы Петров Г.П. 5000 АЭБ Петров Д.В). 2 Үрдэл – 20000 солк. Хатастааҕы норуот тыйаатыра С.А.Зверев-Кыыл Уола“ Кулан кугас аттаах Куллустай Бэргэн” олоҥхо, режиссер СӨ култууратын туйгуна Евдокия Семенова, музыканы таҥан оҥордо Леонид Иванов-Лүҥкүр, худуоһунньук Валерий Саввинов. ( Бирииһи туруордулар Иванов С.И-Чочу Сэмэнин оҕолоро). 1 Үрдэл – 25000 солк. Үөһээ Бүлүүтээҕи Олоҥхо норуот тыйаатыра К.Н. Никифоров “Айдааннаах айаннаах Ала Буурай аттаах Мохсоҕоллой Боотур” олоҥхо, режиссер СӨ култууратын туйгуна Владислав Иванов. ( Бирииһи туруордулар “Култуура сайдыытын уонна норуот айымньытын оройуоннааҕы Киинэ” МБКТ бирииһэ, Дашевская А.А).
“Кылаан чыпчаал” (30000 Иванов С.И-Чочу Сэмэнин оҕолорун бирииһэ) Ньурба оройуонун култууратын департамена – Олоҥхо Дьиэтэ Спиридон Васильевич Петров-Чыычаах 130 сылыгар анаммыт «Оҕо Дьулаах бухатыыр» олоҥхо. Туруорааччы режиссердар СӨ ускуустубатын үтүөлээх диэйэтэлэ Александр Титигиров , СӨ култууратын туйгуна Розалия Тартакынова, бырайыак ааптара СӨ култууратын үтүөлээх үлэһитэ Розалия Тихонова. Тыыннаах доҕуһуолунан киэргэттэ СӨ култууратын туйгуна Дьулустаан Никифоров, худуоһунньуктар Камилла Михайлова, Марина Андреева .
В.О.Каратаев аатынан олоҥхоһуттар уонна тойуксуттар норуодунай кэллэктииптэрин салайааччыта С.Т Иванова бырайыагынан тэриллибит бэстибээл сылын аайы киэҥ араҥаны түмэн сайда турдун.