Улууспутугар ыытыллыбыт Олоҥхо ыһыаҕын кэмигэр Ил Дархаммыт Айсен Сергеевич киэҥ-нэлэмэн өрөспүүбүлүкэбит олоҥхо дьиэлэрин биир ситимҥэ киллэрэн, үлэлэтэр туһунан уураахха илии баттаабыта.

Бу норуоппут кэскилигэр улахан суолталаах дьаһалы олоххо киллэрэр туһугар, Олоҥхо дьиэлэрин үлэлэрин-хамнастарын билсэ, инники былааннаах үлэлэрин торумнуу, Ил Дархан сүбэһитэ Андрей Саввич Борисов салайааччылаах культурнай экспедиция кыттыылаахтара, Олоҥхо тыйаатырын артыыстара бүлүү бөлөх улуустарын кэрийэн, бүгүн Үөһээ Бүлүү ытык сиригэр-уотугар тиийэн-тиксэн кэллилэр.

Ол курдук, Олоҥхобут дьиэтигэр икки күннээх улахан сугулаан бүгүҥҥэттэн саҕаланна. Икки күн устата улууспт олохтоохторо киэҥ билиилээх лектордар үөрэхтэриттэн, араас маастар-кылаастартан бэйэлэригэр үгүһү, туһалааҕы билиэхтэрэ, «Кыыс Дэбилийэ» испэктээҕи көрөн, дуоһуйа астыныахтара диэн эрэнэбит.

Барыгытын Олоҥхо алыптаах эйгэтигэр ыҥырабыт!