«ӨБҮГЭ БЫСТЫБАТ СИТИМЭ»

XII Өрөспүүбүлүкэтээҕи онлайн фольклор бэстибээлин

БАЛАҺЫАННЬАТА

Күнэ-дьыла:2023 с. Олунньу 24-25 күннэрэ, Өксөкүлээх Өлөксөй аатынан норуоттар доҕордоһууларын Дьиэтэ, Гостинай саалата.

Ыытыллар көрүҥэ: Тус кэлэн кыттыы

Фестивалы тэрийээччилэр: Саха Өрөспүүбүлүкэтин култуураҕа уонна духуобунай сайдыыга министиэристибэтэ, СӨ АТ “Олоҥхо Тыйаатыра” иһинэн Научнай-методическай уонна тас сибээскэ үлэҕэ Олоҥхо Киинэ,  Олоҥхо Тыйаатыра

Сыала-соруга:

— норуот ырыата, тойук, чабырҕах, хомус үгэс быһыытынан толоруллар эйгэтин кэҥэтии;

— оҕо чөмчүүк сааһыттан норуотун ырыатын, тойугун, чабырҕаҕын, хомуһун сэҥээрэрин, толорорго холонуутун ситиһии;

— фольклору сөргүтµµгэ үлэлэһэр дьону түмүү, саха төрүт култууратын тарҕатыы, толорооччулары өйөөһүн;

— чабырҕах, норуот ырыата, тойук, хомус сайдар суолун тобулуу;

— бэйэлэрэ айар чабырҕахсыттары, тойуксуттары өйөөһүн;

— саҥа ааттары арыйыы.

Сыаналааһын ирдэбиллэрэ:

— толорооччу үгэһи тутуһуута уонна тута хоһуйар дьоҕура;

— тылын-өһүн баайа, кылыһаҕа, куолаһын кэрэтэ, чөллөркөйө, уһун тыына;

— хомусчут толорор таһыма, сыыйа тардыыта, эгэлгэтэ;

— чабырҕа5ы үөрэ-дьүөрэ түһэрэр тэтимэ, тылын-өһүн хомоҕойо;

— айымньы ис хоһоонун арыйыыта, истээччигэ тиэрдиитэ.

Тэрээһин ирдэбиллэрэ:

• Сайаапкаҕа толорооччу толору аата, төрөөбүт сыла, хантан сылдьара, үлэлиир, үөрэнэр сирэ, ханнык көрүҥү толороро ыйыллар. Сайаапка Олоҥхо Тыйаатыра” СӨ АТ сайтыгар ыытыллар https://olonkhotheater.ru/projects/festivals/ebyge-bystybat-2023/
• Бэстибээлгэ чабырҕаҕы, норуот ырыатын, тойугу толорор уонна хомуска оонньуур оҕолор, улахан дьон биирдиилээн уонна бөлөҕүнэн  кытталлар.
• Толоруу сахалыы инструменнарынан, фонограмманан доҕуһуолланара көҥүллэнэр.
• Кыттааччы сааһынан хааччахтаммат.
• Кыттыы иһин төлөбүрү биирдиилээн толорооччу – 500 солк, бөлөҕүнэн толорууга биирдии киһиттэн 300 солк Олоҥхо театрын сайтыгар киирэн төлүүгүт https://quicktickets.ru/yakutsk-teatr-olonho/s53.

Кыттыы иһин Туоһу сурук бэриллэр. Кыайыылаахха Анал аат иҥэриллэр, өйдөбүнньүк бэлэх туттарыллар.

Билсэр аадырыскыт: e-mail: centr-olonkho@mail.ru, тел.: 8914-2-701-436, 8984-117-45-28, 8914-288-00-35.