«ӨБҮГЭ БЫСТЫБАТ СИТИМЭ»

XI Өрөспүүбүлүкэтээҕи онлайн фольклор бэстибээлин

БАЛАҺЫАННЬАТА

Күнэ-дьыла: 2022 сыл олунньу 24 – кулун тутар 4 күннэрэ.

Ыытыллар көрүҥэ: Куйаар ситимин нөҥүө.

Фестивалы тэрийээччилэр: Саха Өрөспүүбүлүкэтин култуураҕа уонна духуобунай сайдыыга министиэристибэтэ, СӨ АТ “Олоҥхо Тыйаатыра” иһинэн Научнай-методическай уонна тас сибээскэ үлэҕэ Олоҥхо Киинэ.

Сыала-соруга:

— норуот ырыата, тойук, чабырҕах, хомус үгэс быһыытынан толоруллуутун нэһилиэнньэ киэҥ эйгэтигэр тарҕатыы;

— норуот ырыатын арааһын толорууга фольклор айымньытын уонна бэйэ айбыт ырыатын арааран толорууну тарҕатыы;

— ол иһигэр оҕо чөмчүүк сааһыттан норуотун ырыатын, тойугун, чабырҕаҕын, хомуһун сэҥээрэрин, толорорго холонуутун көрүү;

— фольклору сөргүтүүгэ үлэлэһэр дьону түмүү, саха төрүт култууратын тарҕатыы, толорооччулары өйөөһүн;

— чабырҕах, норуот ырыата, тойук, хомус үгэһи тутуһан сайдар суолун кэҥэтии;

— бэйэлэрэ айар чабырҕахсыттары, тойуксуттары, норуот ырыаһыттарын өйөөһүн;

— ыччат уонна улахан дьон эйгэтигэр саҥа ааттары арыйыы.

Ыытыллар бэрээдэгэ:

• Бэстибээлгэ чабырҕаҕы, норуот ырыатын, тойугу толорор уонна хомуска оонньуур детсад оҕолоро (3-6 саастаах), оскуола  оҕолоро (7-18), ыччат (19-35) уонна улахан дьон (36-80) биирдиилээн уонна бөлөҕүнэн  кытталлар.
• Норуот ырыатыгар сахалыы инструменнарынан, фонограмманан доҕуһуолланыы көҥүллэнэр.
• Бэстибээлгэ кыттыы иһин Туоһу сурук (Сертификат) бэриллэр. Бары көрүҥҥэ хас биирдии бөлөххө Бастыҥ толороччу 1, 2, 3 миэстэлээх Лауреат аатын ылан Грамотанан, өйдөбүнньүк бирииһинэн наҕараадаланар; үгэс буолбут Анал ааттары ылбыттарга Диплом уонна өйдөбүнньүк  бириистэр туттарыллаллар.
• Маны таһынан, киирбит видео-матырыйаалларынан Олоҥхо Киинин Telegram каналыгар https://t.me/joinchat/UD77gE2z9rdkLuhj нэһилиэнньэ киэҥ араҥатыгар он-лайн куоластааһын ыытыллыаҕа. Куоластааһын түмүгүнэн “Көрөөччү биһирэбилэ” Анал аат иҥэриллиэҕэ.
• Бэстибээли Өрөспүүбүлүкэтээҕи дьүүллүүр сүбэ сыаналыыр.
• Кыайыылаахтар сорох матырыйаалларын Олоҥхо Киинэ уонна Олоҥхо Тыйаатыра инникитин методическай сыаллаах үлэҕэ, кинигэҕэ уонна тас рекламаҕа туттуохтарын сөп.

Сыаналааһын ирдэбиллэрэ:

— фольклор түөрт көрүҥэр үгэс буолбут жанрдары уонна толорор истиилин уратытын араарыыта;

— толорооччу олохсуйбут үгэһи тутуһуута уонна тута хоһуйар дьоҕура (импровизация);

— толорооччу тылын-өһүн баайа, кылыһаҕа, куолаһын кэрэтэ, дэгэтэ, чөллөркөйө, уһун тыына;

— хомусчут толорор таһыма, тэтимэ, сыыйа тардыыта, эгэлгэтэ;

— чабырҕаҕы үөрэ-дьүөрэ түһэрэр тэтимэ, тылын-өһүн хомоҕойо;

— айымньы ис хоһоонун арыйыыта, истээччигэ тиэрдиитэ.

Тэрээһин ирдэбиллэрэ:

• Сайаапканы быһаарыы суруктаан ыытаҕыт (толорооччу толору аата, төрөөбүт сыла, хантан сылдьара, үөрэнэр, үлэлиир сирэ, ханнык көрүҥү толороро).
• Кыттааччы персональнай дааннайдара сокуонунан көмүскэнэр. Саҥа ирдэбилинэн, сокуоннай саастарын туола илик оҕолорго төрөппүт уонна салайааччы сайаапканы толороллор уонна персональнай дааннайдары туһанарга көҥүл биэрэллэр.
• Видеоматырыйааллары жюри үлэтигэр уонна онлайн куоластааһыҥҥа табыгастаах буоларын туһугар Олоҥхо Киинин Telegram каналыгар подпискаланан баран ыытар https://t.me/joinchat/UD77gE2z9rdkLuhj.

Кыттар матырыйаалы MP4 форматка видеоҕа устан, олунньу 18-28 күннэригэр Олоҥхо Киинигэр Telegram рабочай группаҕа https://t.me/joinchat/V5DcfTxBlsHvOC12 ыытаҕыт.

• Видео-файл кээмэйэ 250 мегабайт буолуохтаах.
• Толоруу бириэмэтэ 5 – 10 мүн. диэри.
• Улахан кээмэйдээх видеону MOVAVI конверторга ыган (кыччатан) ыытаҕыт. Бу ссылканан киирэн https://www.movavi.ru сыһыарыыны скачайдыыгыт.
• Толоруу сахалыы инструменнарынан, фонограмманан доҕуһуолланара көҥүллэнэр.
• Кыттыы иһин төлөбүрү: детсад оҕото биирдиилээн толорууга – 200 солк; оскуола оҕото, ыччат, улахан дьон биирдиилээн толорууга – 500 солк. Бөлөҕүнэн толорууга: детсад биир бөлөҕө – 300 солк.; оскуола оҕолоро, ыччат, улахан дьон – хас биирдии киһиттэн — 300 солк.

“Олоҥхо тыйаатыра” СӨ АТ сайтыгар киирэн төлүүгүт.

https://quicktickets.ru/yakutsk-teatr-olonho/e6e/
Киирбит үлэлэри Өрөспүүбүлүкэтээҕи дьүүллүүр сүбэ кулун тутар 8-13

күннэригэр көрөр (он-лайн куоластааһын түмүгүн кытта), https://t.me/joinchat/UD77gE2z9rdkLuhj Олоҥхо Киинин Telegram ханаалыгар таһаарар.

Билсэр аадырыскыт: элект.почта: centr-olonkho@mail.ru, тел.: 8914-2-701-436, 8984-117-45-28, 8914-288-00-35.

                                                                                                                                                                                       Тэрийэр бөлөх